خطف البنات.....ما هو الحل؟؟؟؟؟

السلام عليكم ورحمة الله وبركاته

عاملين ايه يا احلى اعضاء

الموضوع واضح من عنوانه كتير بنسمع الايام دى عن اعمال البلطجة وخطف البنات

كل يوم نسمع عن حالة خطف

ومن الحالات دى بنت فى ثانوية عامة كانت راجعة من الدرس مع صديقتها
صديقتها تركتها وذهبت الى منزلها والبنت دى طلع ناس بلطجية وخدروها
الكلام ده كان اول امبارح والبنت دى لم تعد الى منزلها حتى الواحدة صباحا من هذا اليوم
امبارح وجدها اهلها مغمى عليها على رصيف البحر وفى حالة صدمة
هى لم تتكلم حتى الان تكتب فقط ما يسألوها عنه

ومن الحالات الاخرى للخطف ظهور البلطجية على رجل ومعه زوجته وابنته
فخيروه بين زوجته وابنته فضحى هذا الرجل بزوجته
اكيد هم كان معاهم اسلحة وهو مش قدر عليهم وحب يحمى بنته
بجد مش متخيلة الموقف ده
يعنى اكيد هذا الرجل ضحى بزوجته علشان يحمى بنته

وكثير من هذه الاعمال الحقيرة
بعد كل ده وانا مش مصدقة اللى بيحصل ده!!!!!!!

بابا متعصب جدا الايام دى وكل مايسمع عن الحوادث دى يصر على عدم ذهابى للدروس
انا بقول له انى لما بمشى بحس ان الدنيا حلوة والناس جميلة
ومفيش حاجة
صراحة بابا بيتعصب جدا منى ويقولى يعنى انتوا لما حد يخطفكوا احنا هنعمل ايه!!!!!
كمان اصدقاء بابا قايمين بالواجب كل يوم يبلغوا عن الحالات دى
وبيقولوا له ان فى بلاغات كتير عن خطف البنات
ومعظمهم من الطالبات

بس هم الناس دول بيخطفوا البنات ليه
قصدى يعنى ان ده مش وقت اغتصاب
يعنى اعتقد ان دلوقتى الاهم انهم يسرقوا على اساس ان مفيش شرطة
يعنى لو يسرقوا ارحم من الحاجات التانية البشعة دى
بس بجد حرام عليهم

الوضع مقلق جدا واهلنا خايفين علينا اوووووووى
يعنى احنا فى ايه فى ايدنا نقدر نعمله اكيد مش هينفع اننا مش نروح دروسنا

طيب نعمل ايه؟؟؟
وايه الحل فى الموضوع ده؟؟؟؟؟؟؟؟